Palestinezët kanë dënuar një vizitë në një vend të shenjtë të kontestuar në Jerusalem nga ministëri Itamar Ben-Gvir duke e cilësuar si “provokim të paprecedentë”.
Tensionet mes Izarelit dhe Palestinës janë rritur me ardhjen e qeverisë së re nacionaliste të Izraelit. Kjo vizitë ishte e para që ministri Ben-Gvir ka kryer që prej ardhjes në pushtet të qeverisjes së Benjamin Netanyahu-t.
Vendi në majë të kodrës është vendi më i shenjtë në judaizëm dhe i treti më i shenjtë në Islam. Për hebrenjtë njihet si Mali i Tempullit, vendi i dy tempujve biblikë dhe për myslimanët si Haram al-Sharif, vendi i ngjitjes së Muhamedit në Parajsë. I gjithë kompleksi konsiderohet të jetë xhamia al-Aksa nga muslimanët, raporton BBC.
Hebrenjtë dhe jo myslimanët e tjerë lejohen të shkojnë në kompleks, por jo të luten. Ben-Gvir, kreu i partisë Fuqia Hebraike, ka thënë prej kohësh se dëshiron të sjellë një ndryshim në rregullat për të lejuar adhurimin hebre në vend.
“Mali i Tempullit është i hapur për të gjithë”, ka shkruar ai në Twitter, shoqëruar nga një fotografi e tij i rrethuar nga një kordon sigurie me Kupolën e Artë të Shkëmbit në sfond.
